Än Salomon Köl 4:8-13

⁸Kofoti, kopwe etiei le feitiu me won Lepanon, kopwe etiei le feitiu me won Lepanon. Kopwe feitiu me won ungen ewe chuk Amana, pwal me won ungen Senir me Hermon, seni ekewe lenien laion me lepart.

⁹Kofoti, en mi wor tongom me rei, ka fokun liapeni lelukei. Ka fokun liapeni lelukei ren nennen mesom ngeniei, pwal ren mwärum fän üom.

¹⁰Kofoti, en mi wor tongom me rei, om tong a arar ngeniei, a mürina seni wain, nge om lö a pwokus seni ekewe lö me nofitin mongö meinisin.

¹¹Kofoti, tinawom a sup ren chönün ächi, nge chönün chunen me milik ra nonom fän chönawom. Iwe, pwonnen üfom a wewe ngeni pwonnen Lepanon.

¹²Kofoti, en mi wor tongom me rei, ka usun chök eu tanipi mi köpüng, ewer, eu tanipi mi köpüng pwal eu puächen koluk mi tittila.

¹³Om kewe irä mi märitä lon ra wewe ngeni eu tanipin apel ra uäni sokun uän irä mi mürina. Ra pwal mär lon ekewe irä mi pwokus iter henna me nart,