Text copied!
CopyCompare
Paipel - Än Salomon Köl - Än Salomon Köl 1

Än Salomon Köl 1:1-11

Help us?
Click on verse(s) to share them!
1Iei ewe köl mi öch seni ekewe köl meinisin Salomon a föri.
2Amwo kopwe mitiriei. Pun om tong a mürina seni wain.
3Epitom lö a fokun pwokus. Itom a wewe ngeni lö mi niiniila. Iei mine ekewe föpwül ra tongeek.
4Kopwe nukiei pwe sipwe müttir le sä. Ai king, kopwe emwenieila lon rumwom. Chienan fefin Sipwe pwapwaituk o mwäneketuk, sipwe pwal mwareiti om tong lap seni wain. A fokun pwüng ach tongeek.
5Ämi föpwülün Jerusalem, üa liechochol, nge üa liöch. Üa chol usun chök ekewe imw mangaku lon Ketar, üa pwal öch usun chök ekewe cheech lon imwen Salomon.
6Ousap nenengeniei, pun ngang üa liechochol pokiten akkar a acholaei. Iwe, nöün inei kewe mwän ra song ngeniei. Ra awisaei pwe üpwe tümwünü ekewe tanipin wain, nge püsin tanipii üsap tümwünü.
7Kopwe aiti ngeniei, en ewe üa tongei seni lon letipei, ia kopwe foleni ie noum kewe sip? Ia kopwe asösöör ie leoloas? Pwota üpwe usun chök eman mi mwalechfeil lein nöün chienom kewe pwiin sip?
8Are kosap silei ewe leni, en mi liöch mwen ekewe fefin, kopwe tapwala mürin ipwen ekewe pwiin sip. Kopwe foleni noum nienifön kuuch ünükün imwen ekewe chon mas imw mangaku.
9En mi wor tongom me rei, üa awewe ngonuk eman liefefinin oris mi nuki wän Farao woken.
10Sapom a ling ren foutan, nge üom a ling ren mwärämwär seni fau aüchea.
11Sipwe föri fän itom fout seni kolt me silifer.

Read Än Salomon Köl 1Än Salomon Köl 1
Compare Än Salomon Köl 1:1-11Än Salomon Köl 1:1-11