Än Salomon Fos 4:10-14

¹⁰Nei, kopwe aüselingaei o etiwa ai kewe kapas, pwe ierin manauom repwe chomongola.

¹¹Üa aiti ngonuk ewe alen tipachem, üa emwenuk won ewe lenien fetal mi wenechar.

¹²Lupwen kopwe fetal, esap wor epetin ipwom, nge are kopwe sä, kosap chepetek.

¹³Kopwe kamwöchünük won ekewe kapasen öüröür, nge kosap mwüt ngeniir repwe feil senuk. Kopwe tümwünüür, pun ina manauom.

¹⁴Kosap feila lon ewe leni ia ekewe aramasangau ra feila ie, kosap pwal apirü än ekewe chon föföringau föför.