3Kosap fangala om pöchökül ngeni fefin, kosap pwal fangala om moni ngeni ekewe fefin mi afeiengaua ekewe king.
4En Lemuel, kopwe rongorong: Esap öchiti ekewe king pwe repwe ün wain, esap öchiti ekewe sounemenem pwe repwe moneiti sakau.
5Pun are ra ün, repwe manlükala mine a fen pwüngüla pwe allük o atokala än chokewe meinisin mi riaföü pwüng.
6Wain me sakau a fän iten chokewe mi feil ngeni mäla, fän iten chokewe mi nom lon riaföü watte.
7Repwe ün o manlükala ar wöüngau me ar riaföü.
Än Salomon Fos 31
Än Salomon Fos 31:3-7