Än Salomon Fos 22:2-13

²Ekewe chon pisekisek me ekewe chon wöüngau ra wewefengen lon ei lapalap, pwe ewe Samol mi Lapalap a föriir meinisin.

³Eman aramas mi mirit a küna ewe feiengau mi feito o opola, nge ekewe chon wewemang ra chök feilong lon o feiengau.

⁴Wöü me iteüöch me manauatam, iei ewe liwin fän iten eman mi tipetekison o niuokusiti ewe Samol mi Lapalap.

⁵Lon alen ekewe aramasangau a wor iräfölüföl me sär, nge eman mi tümwünü manauan epwe toau seniir.

⁶Kopwe akaiti ngeni eman semirit usun mine epwe föri lon manauan, pun lupwen epwe chinlap, esap likitala mine a kaiö.

⁷Ekewe chon pisekisek ra nemeni ekewe chon wöüngau, nge ewe chon paaro i nöün ewe chon mwütätä amanau.

⁸Eman mi fotuki pwüngingau epwe kini feiengau, nge an ariaföüü aramas epwe müchüla.

⁹Eman mi eäni kirikiröch epwe feiöch, pun a ineti anan mongö ngeni ekewe chon wöüngau.

¹⁰Kopwe asüela eman chon turunufas, mürin esap chüen fis fitikoko, anini me kapasingau.

¹¹Eman mi eäni eu leluk mi limöch o eäni kapas pwetete, ewe king epwe chiechi ngeni.

¹²Ewe Samol mi Lapalap a tümwünü chon silelap, nge a atai än chon chofana kapas.

¹³Ewe chon chipwang a apasa, “A wor eman laion lükün imwei, a tongeni fis pwe üpwe mäla won ewe al.”