18Mine ekewe aramasangau ra ekiekin ariaföüü ngeni ekewe chon pwüng epwe püsin küür.
19Än eman aramas nonom lon fanüapö a mürina seni an epwe nom ren eman fefin mi lalapat me nisosong.
20Lon imwen chon tipachem a wor pisek mi aüchea me löpokus, nge ekewe chon tiparoch ra fangesoroula pisekir.
21Eman mi eäni pwüng me kirikiröch epwe manauatam, epwe küna pwüng me iteüöch.
22Eman meilapen sounfiu mi tipachem a töpworalong lon telinimwen ekewe chon pwora o ataetiu ewe leni mi pöchökül ra anomu ar apilükülük won.