Än Salomon Fos 16:24-32

²⁴Kapas pwetete ra usun chök chönün chunen, ra arar ngeni eman aramas o apöchöküla inisin.

²⁵Eman aramas a ekieki pwe ewe al a fetal won a pwüng, nge lesopolan ewe al a ale ngeni mäla.

²⁶Eman chon angang a achocho le angang pokiten an mochen mongö, an echik a pesei ngeni.

²⁷Eman aramas mi ngau a ekiekietä mine a ngau, an fos a usun chök ekkei mi ngeteri mettoch.

²⁸Eman aramas rikirik a afisätä fitikoko, nge eman mi uwokükü a aimwüfeseni chokewe mi fokun pwipwifengen.

²⁹Eman aramas mi mwänewüs a atupu chon arun o emweniir ngeni föför mi ngau.

³⁰Eman mi ächiki mesan a ekiekietä föför mi atuputup, nge eman mi emeni awan a föri mine a ngau.

³¹Meten mökür mi üwan epa mwärämwär mi ling, a fis ngeni eman mi manau fän pwüng.

³²Eman mi mang ngeni song a mürina seni eman mi pöchökül, nge eman mi püsin nemeni letipan a mürina seni eman mi liapeni eu telinimw.