Än Salomon Fos 13:5-10

⁵Eman chon pwüng a oput kapas chofana, nge eman aramasangau a föri föför mi äsäw o anioput.

⁶Pwüng a tümwünü eman chon wenechar, nge pwüngingau a afeiengaua eman chon tipis.

⁷Mi wor aramas ra pwomweni pwomwen chon pisekisek, nge ra wöüngau. Mi pwal wor aramas ra pwomweni pwomwen chon wöüngau, nge ra fokun pisekisek.

⁸Eman aramas mi wöümong a tongeni penmanaueni manauan ren wöün, nge esap wor eman a ekiekin afeiengaua eman mi wöüngau.

⁹Ekewe chon pwüng ra usun chök eu saram mi fokun tinöch, nge ekewe aramasangau ra usun chök eu lamp mi aiekunukun.

¹⁰Lamalamtekia a afisätä anini, nge chokewe mi angei öüröürer ra tipachem.