Än Salomon Fos 13:2-14

²Eman aramasöch epwe angei liwinin met a apasa, nge chokewe resap allükülük ra pwapwaiti angangen mwänewüs.

³Eman mi mamasa kapasen awan a tümwünü manauan, nge eman mi fos chomong a fetal ngeni feiengau.

⁴Eman chon chipwang a mwäräkichiti mettoch, nge esap angei och. Nge eman mi achocho le angang epwe tori meinisin mine a mochen.

⁵Eman chon pwüng a oput kapas chofana, nge eman aramasangau a föri föför mi äsäw o anioput.

⁶Pwüng a tümwünü eman chon wenechar, nge pwüngingau a afeiengaua eman chon tipis.

⁷Mi wor aramas ra pwomweni pwomwen chon pisekisek, nge ra wöüngau. Mi pwal wor aramas ra pwomweni pwomwen chon wöüngau, nge ra fokun pisekisek.

⁸Eman aramas mi wöümong a tongeni penmanaueni manauan ren wöün, nge esap wor eman a ekiekin afeiengaua eman mi wöüngau.

⁹Ekewe chon pwüng ra usun chök eu saram mi fokun tinöch, nge ekewe aramasangau ra usun chök eu lamp mi aiekunukun.

¹⁰Lamalamtekia a afisätä anini, nge chokewe mi angei öüröürer ra tipachem.

¹¹Eman mi wöümongola fän mecheres wöün epwe müttir kisikisila, nge eman mi ioni ekis me ekis fän weires wöün epwe lapala.

¹²Are än eman apilükülük a mang le pwönüetä, i epwe letipengau, nge are än eman mochen a pwönüetä, iei apöchökülen manauan.

¹³Eman mi oput kapasen öüröür a püsin afeiengaua manauan, nge eman mi aleasochisi ekewe allük epwe angei liwinin.

¹⁴Än ekewe chon tipachem kapasen kait iei eu puächen manau, pwe ra tongeni alisi aramas ar repwe sü seni feiengauen mäla.