Än Salomon Fos 13:19-24

¹⁹Are än eman aramas mochen a pwönüetä, lelukan a pwapwa, nge ekewe chon tiparoch ra fokun oput ar repwe kul seni mine a ngau.

²⁰Eman mi chiechi ngeni aramas mi tipachem epwe tipachemela, nge eman mi chiechi ngeni ekewe chon tiparoch epwe feiengau.

²¹Feiengau a tapweri ekewe chon tipis, nge feiöch iei liwinin ekewe chon pwüng.

²²Eman aramasöch a likiti wöün ngeni nöün nöün kana, nge wöün ewe chon tipis epwe tori ekewe chon pwüng.

²³Ewe fanü ekewe chon wöüngau rekärän fotuki a afisätä chomong ua, nge chon pwüngingau ra amwöchü seniir ekewe fanü, pwe resap tongeni angang won.

²⁴Eman esap apwüngü nöün a oput nöün, nge eman mi tongei nöün a achocho le emiriti.