Text copied!
CopyCompare
Paipel - Än Salomon Afalafal - Än Salomon Afalafal 3

Än Salomon Afalafal 3:8-17

Help us?
Click on verse(s) to share them!
8A wor fansoun tong pwal fansoun oput, a wor fansoun maun pwal fansoun kinamwe.
9Met sokun feiöch eman epwe angei seni an angang weires?
10Iwe, üa küna ewe angang weires Kot a awisa ngeni aramas.
11Meinisin mine Kot a föri a unusen mürina lon ar fansoun. Iwe, a pwal atolonga ekiekin fansoun esemwüch lon letipen aramas, nge resap tongeni weweiti mine Kot a föri seni lepopun tori lesopolan.
12Iwe, üa silei pwe esap wor och a mürina lap seni än eman epwe pwapwa o föri mine a mürina lon fansoun manauan.
13Nge üa pwal silei pwe aramas meinisin repwe mongö o ün, repwe pwal pwapwa lon ar angang weires. Pwal iei eu lifang me ren Kot.
14Iwe, üa silei pwe meinisin mine Kot a föri epwe nonom tori feilfeilachök. Esap wor eman a tongeni apacha och ngeniir, esap pwal wor eman a tongeni aimwü och seniir. Iwe, Kot a föri iei usun pwe aramas repwe meniniti.
15Mine a wor ikenai a fen wor me lom, nge mine epwe wor me mürin a fen pwal wor me lom. Iwe, mine Kot a föri me lom, a pwal förisefäli.
16Iwe, üa pwal küna pwe won fanüfan a wor pwüngingau lon lenien apwüng, a pwal wor pwüngingau lon lenien pwüngüöch.
17Iei mine üa ekieki lon letipei, “Kot epwe apwüngü chon pwüng me chon pwüngingau, pun epwe wor fansoun fisin mettoch meinisin me sokun föför meinisin.”

Read Än Salomon Afalafal 3Än Salomon Afalafal 3
Compare Än Salomon Afalafal 3:8-17Än Salomon Afalafal 3:8-17