15Iwe, üa ekieki lon letipei, “Mine a fis ngeni ewe mi tiparoch epwe pwal fis ngeniei. Met chök lomoten ai tipachem meinisin?” Iei mine üa apasa pwe pwal ei pön chök.
16Pun aramas resap chechemenitamei chon tipachem me chon tiparoch, nge lon fansoun epwe feito repwe fokun manlükirela meinisin. Solapan pwe eman mi tipachem a mäla usun chök eman mi tiparoch.
17Iei mine esap wor aüchean manau me rei, pun meinisin mine a fis won fanüfan a ariföüüei. Iwe, meinisin a pön, a usun chök turufi asepwäl.
18Iwe, esap wor lomotan ngeniei ai angang weires meinisin üa föri won fanüfan, pun üa silei pwe üpwe likiti ngeni ewe eman mi siwiliei.
19Nge iö a silei ika ewe eman epwe tipachem ika epwe tiparoch? Inamwo, epwe chök nemeni meinisin mine üa förätä o anganga won fanüfan fän ai weires me ai tipachem. Pwal ei pön chök.
Än Salomon Afalafal 2
Än Salomon Afalafal 2:15-19